Gazte Eguna izango da Zumaian apirilaren 15ean. Eguerdian Zumaiako Gazte Asanbladak antolatutako herri bazkaria izango da, eta, ondoren, Elektrotxongorekin ibiliko gara kalez kale. Gauean, kontzertuen ordua izango da: MICE, Kokein eta TOC izango ditugu txosnaguneko oholtza gainean.

Santelmoetan murgiltzeko hilabete baino gutxiago falta da, eta bada garaia txosnagunean izango dugun eskaintzaren berri ematen hasteko. Ostiralean (apirilak 14) zabalduko dugu karpa, eta musika elektronikoa izango dugu egun horretan. Lau DJ izango ditugu oholtza gainean, hiru sesiotan banatuta: Magnolia, Azkura eta LOTI.