19:00

Euskaratik euskarara elkarrizketak

Euskaraldiko egitarauaren barruan, Euskaratik euskarara elkarrizketak gidatuko ditu Jon Maiak. Ekitaldia abenduaren 1ean izango da, asteartea, Aita Mari zinean.  Irati Osa eta Jon Agirre, Irati Oregi eta Ane Zabaleta, Hamida Chefaoui eta Sara Vanvogelen, eta Lucia Lacarra elkarrizketatuko ditu Maiak.  Gonbidapenak aurrez eskuratu beharko dira turismo bulegoan. 

19:00

Sobre lo infinito

Zuzendaria: Roy Andersson. Aktoreak: Martin Serner, Jessica Louthander, Tatiana Delaunay. Urtea: 2019. Herria: Suedia. Iraupena: 76 min. Gizaki orok bere bizitzan zehar igarotzen dituen garai ezberdinak aurkeztuko ditu istorio laburren bidez, ekialdeko ipuin tradizionalen antzera. Elkarren artean loturarik ez duten kontaketekin osatu du zuzendariak gidoia, eta zuzendariak bere ibilbidean egin dituen beste lanen ukitu pertsonala eta berezia dauka: erabiliko duen tonu hotz, serio eta estatikoagatik nabarmenduko da.

10:00

Baga, biga, higa' emanaldia

DBH 4ko ikasleei zuzendutako ekitaldia. Baga Biga Higa Mikel Markez eta Eñaut Elorrieta kantari eta musikagileen egitasmoa da. Ekimen honek euskarazko musikaren transmisioa eta sustapena du helburu. Gure musikagintzaren historia, erreferenteak eta zaletasuna sustatzeko proiektua da. Generazio berriek gure musikagintza sakonago ezagutu, aukeratu, maitatu eta bizi dezaten. Multimedia formatuko hitzaldi-kontzertua eskainiko digute Mikel eta Eñautek, beraiek izango baitira hizlari eta kantari. Euskal musikaren historiaren gaineko begirada aurkeztuko digute, 60. hamarkadaren aurreko garaietatik hasi eta gaur egunera artekoa. Hitzaldi- kontzertua parte-hartzailea eta ludikoa izatea du helburu, eskola  magistraletatik urrun, pasioz bizi dugun mundu honi begirada propioa emateko eta ikus-entzuleekin partekatzeko.

19:00

Julene Azpeitia 32. ipuin lehiaketaren sari banaketa eta 'Agur eta dolore' antzezlana

Julene Azpeitia ipuin lehiaketako sari banaketa ekitaldia egingo da abenduaren 3an, 19:00etatik aurrera, Aita Mari zinean. Jarraian, Agur eta dolore antzezlana izango da. Gonbidapenak turismo bulegoan eskuratu daitezke.

19:00

Kontzentrazioa abenduaren 6an

Abenduaren 6an, Espainiar konstituzioaren egunean kontzentrazioa egingo dugu Anabasak eta Ernai gazte antolakundeak deituta. Ez dugu onartzen euskaldun eta langileok 42 urtez zapaldu gaituen konstituzio frankista. Ez dugu ezer ospatzeko! Gazteok independentzia!

19:00

'Indianara'

Zinegoak zikloko Indianara dokumentala botako dute Aita Marin, euskaraz. Indarkeria Matxistaren Aurkako Egunaren harira antolatu dute emanaldia.

19:00

Ene ba!!

Asier Sota, Ane Gabarain, Mikel Laskurain, Joxe Kruz Gurrutxaga eta Alazne Etxeberria dira komedia barregarri honen protagonista, Begoña Bilbaoren zuzendaritzapean. "Gure protagonistak aita izan behar du lehen aldiz. Aitatasuna ospatze aldera, bere arreba eta koinatuaren etxean afalduko du, familiako beste lagun batekin batera. Ana, bere bikote eta ama-gaia, berandu iritsiko da afaritara. Afaltzen hasi baino lehen, ama zain daudela, aitatasunak sortzen dituen poztasun eta aldarte onak izango dituzte hizpide, ume jaio-berriari jarri behar dioten izena aditzera emango duen arte. Egundoko kalapita sortuko du izen berak eta eztabaidaren suak bildutakoak erreko ditu, etxeko giroa erabat gaiztotu arte…  Sarrerak turismo bulegoan bakarrik izango dira salgai, 9,5 euroan; 6 euroan Gazte txartelarekin.

12:00

Meri, Mari eta Lari

3 urtetik gorako haurrentzat Meri, Mari eta Lari ipuin eta kantuz osatutako antzezlana da. Ipuinak sexu eta genero aniztasunaz ari dira, familia eredu ezberdinez, beldurrak baztertzeaz eta, azken finean, askatasunaz. Ikuskizunak biltzen dituen abestiak Yogurinha Borovarenak  dira, Sentipenak askatu diskoarekin ikusle gazteagoengana iritsi nahian argitaratutako kantak. Galder Perezek idatzitako eta Maria Urcelay aktorarekin batera sortutako ikuskizun hau  umeei zuzenduta dago, baina adin guztietako lagunentzat da aproposa. Oraindik ere, denok dugulako sentipenak askatzeko beharra eta gogoa. Sarrerak turismo bulegoan bakarrik egongo dira salgai, 4 euroan.

19:00

The Gentlemen

Zuzendaria: Guy Ritchie. Aktoreak: Matthew McConaughey, Charlie Hunnam, Hugh Grant, Colin Farrell. Herria: Britainia Handia. Urtea: 2019. Iraupena: 113 min. Mickey Pearson izeneko gizon amerikarrak Londeresen sortu duen marihuana inperioari zor dizkio aberastasuna eta arrakasta. Bere helburua dena eman dion negozio hori saltzea izango da, baina jabetza lapurtzeko hainbat saiakera direla eta, ez du lan erraza izango. Konspirazioak, azpijokoa, eroskeriak eta xantaiak dira nagusi Guy Ritchiek zuzendutako ekintzazko thriller honetan.

12:00

Olentzero kuttun

Askotan entzun ditugu Olentzeroren istorioak. Eta hauek entzuteaz, ez gara inoiz aspertuko. Hala ere, badira Olentzeroren gertaera batzuk, oraindik ere ezagutzen ez genituenak. Olentzero eta Miru oso lagun onak dira. Bien arteko kontutxoak entzunez eta kantu alaiekin, primeran pasatzeko aukera izango duzu. Sarrerak turismo bulegoan egongo dira salgai, 4 euroan.

18:00

20:00

Las4Laurok: Bote prontuan

Lau artistaren lanak bilduko ditu Bote prontuan erakusketak: Gema Durán, Arri Bidasoro, Ana Cabezas eta Olatz Goiburu, edo bestela esanda, Las4Laurok. Liburu eraldatuen sorkuntzak elkartu zituen batik bat, eta Oxforden elkarlan horren emaitza ikusgai egongo da: liburu eraldatuak, eta baita marrazki eta margo batzuk ere. Aldi berean, artistek banaka sortutako lanak ere aurkeztuko dituzte, jorratzen dituzten diziplina ugaritakoak: Ana Cabezasek pintura, Gema Duránek zeramika, Arri Bidasorok artista liburuak, eta Olatz Goiburuk margoak eta zeramika.