Ikasle Abertzaleakek deituta, mobilizazio egingo da ostiralean, hilaren 17an, 12:00etan, Zumaiena Ikastetxeko patioan, "doako eta kalitatezko hezkuntza" unibertsalaren alde.
Urola Kostako Kontseilu Sozialistak antolatuta, 'Langile antolakuntzaz, babesgabetasunari aurre egin' saioa egingo da abenduaren 17an, Gurrutxaga plazako Gizarte zentroan. 18:00etan hasiko da. Film labur bat emango da, eta ondoren hitzaldia izango da 'Grebaren bilakaera eta ikuskera langile mugimenduaren hiztorian' gaiaren inguruan. Amaitzeko, luntxa izango da.
Zumaiako 13-17 urte bitarteko gazteekin LGTBI+ gaiak eta feminismoa lantzeko Zirta espazio askea sortu zuten orain urtebete. Urteari amaiera emateko jaialdi txiki bat antolatu dute. Ostiralean egingo da, abenduaren 17an, 18:00etan hasita, Gaztegunean. 18:00etan, Mijo Lizarzabururekin, Argaltasunari kritika gorputz lodiaktibistatik saioa izango da. 19:30ean, luntxa. 20:00etan, serigrafia tailerra.
'La cocina del Sr. Aranguren (y su "pintxe" Gorka) liburua aurkeztuko dute abenduaren 17an, ostirala, 18:30ean, Alondegiko Oxford aretoan.
Manifestazioa egingo da Zumaian abenduaren 17an 'Bizitza duina kapitalaren gainetik' lelopean. 19:00etan abiatuko da martxa Beheko plazatik. Deialdiarekin bat egin dute ELA, LAB eta ESK sindikatuek; Gure Eskuk, Zumaiako Mugimendu Feministak, Pentsiodunen mugimenduak, Zumaiako Etxebizitza Asanbladak, Zumaiako Natur Taldeak, Malen Etxeak, Ernaik, Sortuk eta Ikamak.
Gabon garaiaren atarian, antzerki emanaldia izango da Zumaiako Parrokian Zumaiako eta Aizarnazabaleko katekesiko umeen eskutik. Abenduaren 17an izango da, ostiralean, 20:00etan hasita (20:30ean hileta balego).
Komentuan kultur topagune bat eratzeko asmoa du Zumaiako Udalak. Proiektua ezagutarazteko erakuspetak eta aurkezpen saioak prestatu ditu. Erakusketa Abenduaren 9tik 19ra, Komentuan. Astelehenetik ostiralera: 18:00-20:00; larunbatetan eta igandetan: 12:00-14:00 / 18:00-20:00 Aurkezpen saioa Abenduaren 9an, osteguna, 18:00etan, Komentuan. Bisita gidatua Abenduaren 11n, larunbata, 12:00etan, Komentuan. Izen-ematea: kulturetxea@zumaia.eus.
Gabon garaiarekin lotuta, ipuin kontaketa saioak egingo dira Zumaiako Haur Liburutegian. 4 eta 8 urte bitarteko haurrei zuzenduta izango dira, eta 17:30ean hasiko dira. Hiru saio izango dira: Abenduaren 16an, Maite Frankoren 'Panpinak Aitorrentzat'. Abenduaren 23an, Kontukantoiren 'Argi ibili gurekin' Abenduaren 29an, Apikaren 'Sorginak'
Distira argazki elkartearen erakusketa kolektiboa izango da bisitagai abenduaren 16tik urtarrilaren 9ra bitartean Alondegiko Oxford aretoan. 18:00etatik 20:00etara izango da zabalik.
Zuzendaria: Edgar Wright. Aktoreak: Thomasin McKenzie, Anya Taylor-Joy, Matt Smith, Terence Stamp, Diana Rigg. Generoa: Thrillerra. Urtea: 2021. Herrialdea: Erresuma Batua. Modan amorratua den neska bati buruzko thriller psikologikoa. 60ko hamarkadara joan eta haren idoloa, abeslari izan nahi duen neska liluragarria, ezagutzeko gai da. Baina garai hartako Londres ez da dirudien bezalakoa, eta denbora ondorio ilunekin erortzen dela dirudi.