2017ko udan zendu zen Jose Manuel Azkue Xiru-ren omenez, BTT irteera antolatu du Sastrakas mendiko bizikleta taldeak iganderako. Taldeko kideak eta kirolzaleak 9:00etan elkartuko dira Lubaki kiroldegiaren parean, eta bi gurpilen gainean itzulia egin ondoren, hamaiketakoa egingo dute, Xiru gogoan.
Lau gazte enparantza batean elkartzen dira. Edozein hiritako edozein enparantza izan daiteke. Musika entzuten da eta lau gazteek dantzari ekiten diote. Beraientzat eguneroko jarduna da; euren komunikatzeko lengoaia da. Dantza egiteak natural sentiarazten ditu. Batzuk euskal dantza tradizionalean hazitakoak dira, besteak hip hopean. Kaleak, euren biziguneak, batzen ditu. Kale adierazpen garaikideak, gaur egungo hiri, herri eta enparantzatan elkarbizitzen direnak. Irailak 12, igandea, 19:30. Gonbidapenak irailaren 10etik aurrera Turismo Bulegoan.
Ibai Maritxalar Urkiaren margoak ikusteko aukera izango da irailaren 3tik 26ra bitartean, Alondegiko Oxford aretoan izango duen erakusketan. Ordutegia: astelehenetik ostiralera, 18:30etik 20:30era, eta asteburuetan 12:30etik 14:00etara eta 18:30etik 20:30era.