Zine forum saioan El capitan pelikula alemaniarra emango du Ostarrenak, azaroaren 8an, 22:00etan. Zuzendaria: Robert Schwentke. Aktoreak: Max Hubacher, Milan Peschel, Frederick Lau, Bernd Holscher, Waldemar Kobus. Iraupena: 118 minutu. Generoa:Drama. Gerra. Herrialdea: Alemania. Urtea: 2017.Bigarren Mundu Gerraren amaieran, Hirugarren Reich-aren erorialdi betean girotuta dago pelikula: kapitain nazi baten uniformea lapurtuko du 19 urteko soldadu zarpail eta gosetu batek. Desesperazioak jota, etsaiekin bat egingo du, bizirik irauteko modu bakar gisa.Horrela, desertore talde bat biltzea lortuko du, eta jendea hiltzen eta lapurretak egiten hasiko dira ordurako gerrak guztiz jipoitu duen Alemanian. Denbora horretan konturatuko da kapitain faltsua nolakoak diren ordura arte etsaitzat izan dituen horiek.
27 orduko ikastaro teoriko eta praktikoa eskainiko du elkarteak. Astelehenetan eta asteazkenetan 19:00etatik 20:30era elkartuko dira, eta irteerak egingo dituzte larunbatean.
Christiane Von Enzberg argazkilariaren Flashback paradies erakusketa egongo da Alondegiko Oxford aretoan, urriaren 26tik azaroaren 11ra. Irekiera ostiralean, hilaren 26an izango da, 19:00etan hasita. Ordutegia, egunero: 18:00-20:00.