Maiatzaren 30ean, ingelesezko ipuin kontaketa saioa izango da haur liburutegian, 17:30ean. Olwen Mears & Roanna Larsen-ek, 4 eta 8 urte bitarteko umeei zuzendutako We’re going on a bear hunt ipuina kontatuko dute.
Geoparkeen Europako Astearen baitan, maiatzaren 30ean, GeoTalks ekimenaren bigarren edizioa izango da. James Cameron film zuzendari eta ekoizleak duela 15 urte Zumaian filmatu zuen Volcanoes of the Deep Sea dokumentalaren emanaldia egingo da Aita Mari zinean, 19:00etan. Emanaldiaren ondoren, solasaldi irekia egingo da eta itsaso sakoneko misterioen inguruan arituko dira bi zientzialari eta komunikatzaile ezagun: Thierry Juteau, Bresteko Unibertsitateko katedradun emeritua eta Carlos Briones, CSICeko Astrobiologia zentroko ikertzailea. Asier Hilario, Geoparkeko zuzendari zientifikoak, moderatzaile lanak egingo ditu.
Forondako pintura tailerreko erakusketa izango da maiatzaren 18tik 30era bitartean, Alondegiko Oxford aretoan. Ordutegia: egunero 18:30-20:30; asteburu eta jaiegunetan eguerdietan ere bai: 12:00-14:00 eta 18:30-20:30. Irekiera, maiatzaren 18an, 18:00etan.