Urtarrilaren 26an, ostiralean, 18:00etan, 'Urriko iraultza eta gaurko Euskal Herria' izenburupean, hitzaldia izango da Gaztetxean. Bi hizlari izango dira: alde batetik, Iraitz Agirrek, ikuspegi feminista batetik, emakumeek iraultzan izandako papera izango du hizpide, eta beste aldetik, Eneko Compainsek, iraultza gaur eta hemen kokatuko du.
Hondakinen kudeaketako plan integrala osatzeko herritarren parte hartzea eskatzen duen gizarte-ekimena da Hitzartu. Haren berri emateko bilera deitu du Zumaiako Eskubide Sozialen Kartak. Ostiralean egingo da, 18:30ean, Alondegiko Oxford aretoan.
Maria Martinez gazte zumaiarrak kontzertua emango du, urtarrilaren 26an, 22:00etan, Zalla tabernan.
Veva Linazaren Alegoriak ez du gorputzik erakusketa izango da urtarrilaren 19tik otsailaren 4ra Alondegiko Oxford aretoan. Inaugurazioa hilaren 19an egingo da, 19:00etan. OrdutegiaAstelehenetik ostiralera, 18:00etatik 20:00etara; jaiegunetan, 12:30etik 14:00etara eta 18:00etatik 20:00etara.
Steven Spielberg zinegile estatubatuarrak benetako gertakarietan oinarritutako filma aurkeztuko du beste behin: Tom Hanksek eta Merys Streepek The Washington Postegunkariko zuzendariaren eta editorearen rolak beteko dituzte. 1971n Pentagonoan lau hamarkada isilpean gordeta egon ziren gerra dokumentuen berri izango dute, Vietnamgo gudari buruzko informazio klasifikatua, alegia. Hala, kazetariek adierazpen askatasunaren aldeko borroka abiatuko dute, AEBetako gobernuak ezarritako traba guztiei aurre eginez. Filmaren gidoigilea, Josh Singer, kazetaritza eta ustelkeria kasuak jorratzen aditua da, izan ere, Wikileaksen filtrazioen inguruko The Fifth Estate (2013) eta Spotlight (2015) Oscar saridunean ere parte hartu du aurretik. (zinea.eus) Ordutegia: ostiralean 22:15ean, larunbatean 19:30 eta 22:15ean eta igandean eta astelehenean, ikuslearen eguna, 19:30ean.