Bertsoak eta antzerkia uztartzen dituen emanaldia eskainiko dute, abenduaren 28an, 19:30ean, Torreberri gaztetxean. Sarrerak 3 euroan izango dira eta han bertan erosi ahalko dira. Partaideak: Beatriz Egizabal (antzerkilari/ipuin kontalaria) eta Ane Labaka (bertsolaria). "Erradikalak zarete" esaten digute. Eta "nahi eta behar baino gutxiago" pentsatzen dugu. Bi emakume elkartu gara eta maletak kontraesanez beteta dakartzagu, bertso eta bakarrizketa formatuan. Erraietatik ariko gara, umorez, erroetara iritsi nahian. "Erradikalak gara" esango dizuegu. Eta "nahi eta behar baino gutxiago" pentsatuko duzue.
Tximista garagardotegiko kultur-potearen baitan, abenduaren 28an, 19:30ean, Son pa bailar taldearen kontzertua izango da.
Zuzendaria: Yeon Sang-ho. Aktoreak: Gong Yoo, Ma Dong-seok, Ahn So-hee, Kim Soo-an, Jung Yu-mi. Iraupena:118 minutu. Generoa: Beldurra, akzioa, zonbiak. Herrialdea:Hego Korea. Urtea: 2016. Jatorrizko izenburua:'Busanhaeng'.Bankuko langile dibortziatu batek ez dio arreta handirik eskaintzen alabari. Urtebetetze egunean, amarekin eramateko eskatuko dio neskak aitari, Busan hirira, alegia. Trenean daudenean, emakume zauritu bat igoko da bagoira. Herrialdean zabaltzen ari den birusaren biktima da.
Abenduan zehar, hiru ipuin kontaketa izango dira haur liburutegian, 17:30etatik aurrera. - Abenduak 13, Ixabel Agirresaroberen eskutik: Petra Ipurdian Bost Letraren etxean kontatutakoak - Abenduak 20, Kontukantoiren eskutik: Hainbat kolore, hainbat zapore!!! - Abenduak 28, Apikaren eskutik: Kolorez estali
AskatasunArteren eskutik, Gurs experiences erakusketa. 2017ko abenduaren 20tik urtarrilaren 7ra, egunero, 18:00etatik 20:00etara. Inaugurazioa abenduaren 20an izango da, 18:00etan, eta Josu Chuecak emango duen Gurs, euskaldunen zelaia hitzaldia izango da.