Ezinezkoaren logika izenburua duen magia ikuskizuna eskainiko du Hodei magoak, urriaren 24an, eguerdiko 12:00etan, Aita Mari zinean.
4 urtetik gorako haurrei zuzendutako ipuin kontaketa saio bereziak antolatu ditu Zumaiako Udalak, zenbait herritar eta eragilerekin elkarlanean. Jatorrizko hizkuntzan kontatuko dituzte ipuinak, eta euskarara ekarriko dituzte jarraian.
Idoia Monton, Itziar Markiegi eta Clara Elizondoren erakusketa Oxford aretoan, urriaren 22tik azaroaren 21era. Egunero zabalik 18:00etatik 20:00etara; asteburu eta jaiegunetan 12:30etik 14:00etara eta 18:00etatik 20:00etara.
Iciar Bollain zinema zuzendari espainiarraren azken filma. Maixabelen bizitza hankaz gora jarriko da 2000ko uztailaren 29an, ETAko talde batek haren senarra tiroz hiltzen duenean. Urte batzuen ostean, telefono dei bat jasoko du espetxetik: senarra hil zuen taldeko kide batek elkartzeko proposamena egingo dio. Larunbatean, igandean eta astelehenean, 19:30ean.
Zuzendaria: Iciar Bollain. Aktoreak: Blanca Portillo, Luis Tosar, Urko Olazabal, María Cerezuela. Generoa: drama. Urtea: 2021. Herrialdea: Espainia. 2000. urtean, Maixabel Lasaren senarra, Juan María Jauregui hil zuen ETAk. Hamaika urte geroago, ezohiko eskaera bat jaso zuen: bere senarra hil zuten gizonetako batek berekin hitz egiteko eskatu zion Langraiz Okako espetxean (Araba), zigorra betetzen ari deneko kartzelan, talde terroristarekin zituen harremanak eten ostean. Zalantzak zalantza eta atsekabe handia izan arren, Maixabel Lasak onartu egin zuen aurrez aurre ikustea 16 urte zituenetik bere bikote izandakoa hil zuten pertsonekin. "Mundu guztiak merezi du beste aukera bat", erantzun ohi du emakumeak galdetzen diotenean zergatik erabaki zuen hitz egitea bere senarra hil zuen gizonarekin.