Euskaraldiaren baitan atolatutako kultur ekitaldia: Azaroaren 20an “Nahi dugu hitz eta jolas” bertso saio tematikoa eskainiko dute Oihana Bartra eta Julio Soto bertsolariek Aita Mari zinean, Maite Berriozabal gai-jartzailearekin. Gonbidapenak azaroaren 17tik aurrera (asteartea) egongo dira eskuragarri turismo bulegoan.
Lau artistaren lanak bilduko ditu Bote prontuan erakusketak: Gema Durán, Arri Bidasoro, Ana Cabezas eta Olatz Goiburu, edo bestela esanda, Las4Laurok. Liburu eraldatuen sorkuntzak elkartu zituen batik bat, eta Oxforden elkarlan horren emaitza ikusgai egongo da: liburu eraldatuak, eta baita marrazki eta margo batzuk ere. Aldi berean, artistek banaka sortutako lanak ere aurkeztuko dituzte, jorratzen dituzten diziplina ugaritakoak: Ana Cabezasek pintura, Gema Duránek zeramika, Arri Bidasorok artista liburuak, eta Olatz Goiburuk margoak eta zeramika.