Zine forumen denboraldi berriari hasiera emateko, Pájaros de verano filma emango dute Aita Marin. Narkotrafikoaren jatorritik abiatu eta Kolonbiako karibean nola hedatu zen islatzen du Cristina Gallego eta Ciro Guerrak zuzendutako pelikula.
Fernando Mardones artista eta irakaslearen lanak ez du bereziki ezer esanahi. Kolorearekin, formekin eta testurekin jokatzen du Zumaian aurkeztuko duen lehen lan honetan. Irailaren 26tik urriaren 13a bitartean egongo da ikusgai Oxforden. Egunero 18:00etatik 20:00etara, eta asteburuetan, 12:30etatik 14:00etara.