Maiatzaren 28ko udal hauteskundeetako kanpaina bete betean, elkarrizketa digitalak egingo dira aste honetan zehar Baleike.eus webgunean. Bihar, asteartea, PSE-EEko zerrendaburu Duñike Agirrezabalaga izango da herritarren galderak erantzuten; etzi, asteazkena EAJko alkategai Josemi Antiaren txanda izango da; eta ostegunean, EH Bilduko hautagai Iñaki Ostolazarena. Hiru saioak 17:00etan hasiko dira, Baleikeren bulegoan.
Herritarrek galderak egin ditzakete oraindik ere. Alkategaiak galderak erantzuten jarri bitartean izango da horretarako aukera. Duñike Agirrezabalagari galderak bidaltzeko hemen dago aukera; Josemi Antiari hemen; eta Iñaki Ostolazari hemen.