Baleikek inoizko ikustaldi gehien izan du 2004an webgunea martxan jarri zenetik. Hain zuzen ere, 2020an 1.780.000 bisitatik gora izan ditu. Lan-taldeak eskerrak eman nahi dizkie egunero-egunero Baleikerengan konfiantza jarri duten herritar guztiei. 2021ean ere zumaiarrei kalitatezko euskarazko informazioa eskaintzeko lanean jarraituko dugu.
2020an gehien irakurritako hamar albisteen zerrendan askotariko gaiak ageri dira. Badira COVID-19ak herrian izandako eraginaren inguruko albisteak, baina dena ez da izurria izan. Ikusiena da piraguistek izurde artean grabatutako bideoa. Hona hamar albiste irakurrienen zerrenda:
- Piraguistak izurde artean
- Bi pertsona zauritu dira kostako errepidean gertatutako istripuan
- Kalari taberna momentuz itxita dago, koronabirusa dela eta
- Lehen koronabirus kasua detektatu dute Zumaian
- 1977ko San Telmo jaiak
- "Nahiko nuke istripua gertatu zen tokitik berriro korrika igaro"
- Su eman diete edukiontzi batzuei bart Aita Mari auzunean
- "Negargura ematen du egoerak, inork ez gaitu entzuten"
- Noraino joan daiteke umeekin?
- Positiborik egon ez bada ere, Flysch erretegia prebentzio moduan itxi du jabeak