Horren harira, Oikiako eskolako ikasleek bertso batzuk idatzi dituzte. Hemen dituzue:
MARTXOAK 8
Emakumearen Nazioarteko Eguna
ZUMAIA 2016
GIZA KATEKO BERTSOAK
Giza kateak batu ditzake
eskuak eta bihotzak
gure artetik urruntzearren
miseriak eta lotsak
ta helburuak ez izateko
inorentzako arrotzak
bertso doinutan elkar ditzagun
gizartearen ahotsak.
Lanean, jaten, kantuan, dantzan,
festan, kirolean edo
emakumeen eskubideak
ez ditzagun ahaztu gero.
Bazen garaia bada garaia
onartzeko honezkero
egunsentia kolore morez
jantzi dadin egunero.
Egileak: Oikia Eskolako ikasleak
Oihane Etxaide
Alaia Azkue
Maddi Etxabe
Ametsa Etxaide
(Unai Gijarroren laguntzarekin)