Argazkiak: Herri galdeketaren aldeko olatu erraldoia

Baleike 2017-04-22 21:20   Politika

Jendetzak hartu du parte maiatzaren 7ko herri galdeketaren aldeko kalejiran. 19:00ak aldera ekarri dute bozka kutxa Arranplara traineruan, eta handik Erribera kalea zeharkatu eta Odietako frontoiraino eraman dute dozenaka eta dozenaka zumaiarrek. Jai giroan ospatu nahi zuen Ontziratuk herri galdeketa eta halaxe izan da, maiatzaren 7a izango denaren aurrerapen ezin alaiagoa. Bilduma honetan dauzkazue kalejirako argazkiak.

»» Ikusi argazki guztiak (72)

"Apirilaren 22an olatu handi bat sortzera goaz"

Baleike 2017-04-18 10:21   Politika

"Apirilaren 22an olatu handi bat sortzera goaz"

Maiatzaren 7ko herri galdeketari beste bultzada bat emango dion kalejira antolatu du Ontziratuk larunbat arratsalderako. Herritar guztiak deitu nahi dituzte, "jai giroan parte hartzera, tantaz tanta, denon artean olatu handi bat sor dezagun". Kalejira 19:00etan abiatuko da Arranplatik, eta Erribera kaletik joango da Beheko plazaraino.

BIDEO-INKESTA maiatzaren 7ko herri galdeketaz

Erabiltzailearen aurpegia Ontziratu Zumaia 2017-04-14 08:00   Politika

Euskal Herriaren etorkizunaz galdetuko zaie maiatzaren 7an zumaiarrei, Ontziratuk antolatutako herri galdeketaren bidez. Ekimenaz daukaten iritzia eskatu diegu bost herritarri. 

Aurretiazko bozka emateko aukera izango da gaur eta bihar

Erabiltzailearen aurpegia Ontziratu Zumaia 2017-04-12 10:40   Politika

Aurretiazko bozka emateko aukera izango da gaur eta bihar

Gaur, hilak 12, arratsaldeko 6etatik 8etara eta bihar, hilak 13, goizeko 11etatik eguerdiko 13:00etara aurretiazko bozka emateko aukera izango da Ontziratuko lokalean.

BIDEOA: Ontziraturen kantaren grabaketa

Erabiltzailearen aurpegia Ontziratu Zumaia 2017-04-11 09:00   Politika

Maiatzaren 7ko herri galdeketari musika ere jarri diote herriko hainbat musikarik. 

Asteburuan egindako pintaketak gaitzetsi ditu Udalak

Erabiltzailearen aurpegia Zumaiako Udala 2017-04-11 14:15   Politika

Asteburuan egindako pintaketak gaitzetsi ditu Udalak

Asteburu honetan Zumaiako kaleetan agertutako pintaketen harira, Udaletik guztiak gaitzetsi dituzte eta adierazi dute horrelako ekintzek ez dutela lekurik egungo gizartean elkarbizitza oztopatzen dutelako.

Entzun “Ontzi bete amets”, herri galdeketaren abestia

Erabiltzailearen aurpegia Ontziratu Zumaia 2017-04-11 09:00   Politika

Entzun “Ontzi bete amets”, herri galdeketaren abestia

Hemen entzun dezakezue Ontziratu taldeak prestatu duen kanta. Letra ere eskura daukazue.

Arritxu Marañon: "Juridikoki ez da existitzen erabakitzeko eskubidea”

Baleike 2017-04-09 11:00   Politika

Arritxu Marañon: "Juridikoki ez da existitzen erabakitzeko eskubidea”

PSEko zinegotzi Arritxu Marañonek uste du iruzurkeriaz erabiltzen dela erabakitzeko eskubidearen kontzeptua, eta erreferenduma egin nahi bada aurrena legea egokitzetik hasi behar dela.

Alex Oliden: "Gure arazoak konpontzeko modurik aproposena iruditzen zait burujabetzaren bidea"

Baleike 2017-04-09 10:00   Politika

Alex Oliden: "Gure arazoak konpontzeko modurik aproposena iruditzen zait burujabetzaren bidea"

EHBilduren udal taldeko kidea da Alex Oliden. Eskubide nazionalekin batera, eskubide sozialak aldarrikatzen ditu:"Ez dago eskubide nazionalik eskubide sozialik gabe, eta ez dago eskubide sozialik eskubide nazionalik gabe". Hauek dira maiatzaren 7aren herri galdeketaren gainean egindako galderen erantzunak.

Oier Korta: "Guztion arteko elkarlanak egingo du posible galdeketa honen funtsa errealitate bilakatzera bideratzea"

Baleike 2017-04-09 09:00   Politika

Oier Korta: "Guztion arteko elkarlanak egingo du posible galdeketa honen funtsa errealitate bilakatzera bideratzea"

Herriak erabakitzeko duen eskubidearen alde agertu da Zumaiako alkate Oier Korta, "betiere, horretarako herriak bere indarrak elkartu eta zilezko bide zuzenak jorratzen baditu". Hauek dira maiatzaren 7aren gainean egin dizkiogun galderen erantzunak. EHBilduko Alex Olideni eta PSEko Arritxu Marañoni galdera berberak egin dizkiegu. Haien erantzunak ere laster izango dituzu irakurgai.

Iñaki Agirrezabalaga: "Herri ekimenaren bidez praktikara eramatea aberasgarria da"

Baleike 2017-04-08 13:58   Politika

Iñaki Agirrezabalaga: "Herri ekimenaren bidez praktikara eramatea aberasgarria da"

Iñaki Agirrezabalaga (alkate 2007tik 2015era)

"Nik uste dut ariketa demokratiko baten gauzatzea dela, legalki egin ezin den kontu bat herri ekimenaren bitartez praktikara eramatea, eta hori aberasgarria da, beste gauza batzuen artean, herri guztia inplikatzen duelako gauzak garantia guztiekin egiteko. Eta ariketa horretan, herrian sortu den hartu emana eta elkar truke guztia agerian jartzeko modukoa iruditzen zait. Ariketa demokratikoak berak dakarren hori guztia ona da".

Maria Eugenia Arrizabalaga: "Animatzen dut mundu guztia parte hartzera"

Baleike 2017-04-08 13:54   Politika

Maria Eugenia Arrizabalaga: "Animatzen dut mundu guztia parte hartzera"

Maria Eugenia Arrizabalaga (alkate 2003tik 2007ra)

"Aukera polita daukagu erabakitze eskubidearen ariketa praktiko bat egiteko, eta gainera, azpimarratu nahiko nuke ez bakarrik abertzale garenontzat, baietz bozkatuko dugunontzat; denok, gizarte osoak, barneratu beharko luke bere iritzia adierazteko aukera bat dela eta aprobetxatu egin behar da. Azken finean, subjektu politiko bat gara eta erabakitzeko eskubidea dagokigu. Egia da Gure Esku Dagok proposatzen digun ariketak ez direla lotesleak eta beste bide batzuk ere jorratu beharko ditugula, betiere, erabakitze eskubidearen eskutik. Animatzen dut mundu guztia parte hartzera"

Migel Aperribai: "Funtsezkoa da jendeak demokratikoki adieraztea zer nahi duen"

Baleike 2017-04-08 13:51   Politika

Migel Aperribai: "Funtsezkoa da jendeak demokratikoki adieraztea zer nahi duen"

Migel Aperribai (HBko zinegotzi 1990eko hamarkadan)

"Adierazpena bera da positiboa, herriak eta herritarrak aukera edukitzea pentsatzen duen hori azaltzeko eta jakinarazteko. Gero, beste batzuen kontua izango da, politikoena, nahi horri irteera ematea eta baliabideak ipintzea hori gauzatu ahal izateko, baina berez maiatzaren 7an funtsezkoa da jendeak demokratikoki adieraztea zer nahi duen, zer pauso eman nahi dituen herri honentzat".

Ricardo Peña: "Betidanik aldarrikatu izan dugun eskubide bat da"

Baleike 2017-04-08 13:50   Politika

Ricardo Peña: "Betidanik aldarrikatu izan dugun eskubide bat da"

Ricardo Peña (alkate 1991tik 2003ra)

Betidanik aldarrikatu izan dugun eskubide bat da, erabakitzeko eskubide hori hor dagoela aldarrikatu izan dugu beti abertzale bezala. Gaur egin den ekitaldiak gauza asko adierazten ditu. Gaur batu gara argazki bat ateratzeko jendearen aurrean, baina argazkia egin eta gero bakoitza bere taldera joan da. Ona litzateke aztertzea zergatik gertatu den hori. Gainera, aldi berean, gaur armagabetzearen eguna izan da. Badirudi gauza askok egin dutela bat, eta pentsa daiteke lekuko bat luzatzen dela, bortxakeria baztertuta gelditzen dela eta garai politiko berri batean sartzen garela, eta ea kapaz garen.

Zer egin beharko genuke bakoitza bere taldera joan beharrean elkarrekin gehiago nahasteko?

Ez da erraza, denbora behar da. Batzuk prozesu hau asko errazago ari dira eramaten. Niri gehiago kostatzen zait. Nik bizi izan ditudan esperientziak oso gogorrak izan dira, oso hurbil egon naiz bost edo sei hilketen ondoan, eta hori gainditzea... Nik txalotzen ditut hori gainditzeko ahalmena dutenak, baina niri asko kostatzen zait. Bide hori jorratu egin behar da, baina zenbait zauri sendatzeko denbora behar da”.

Marina Bidasoro: "Ariketa demokratiko bat da"

Baleike 2017-04-08 13:47   Politika

Marina Bidasoro: "Ariketa demokratiko bat da"

Marina Bidasoro (1987tik 1991ra zinegotzi EArekin; 1990tik 1991ra alkate)

"Herritar guztientzat ariketa demokratiko bat da, askatasuna ariketa, eta emango digu aukera horrelako gai bat pedagogikoki lantzeko eta bizikidetza sendotzeko gure herrian. Harremanak estutzeko balio du, eta guretzat hain inportantea den gai baten inguruan hitz egiteko, eztabaidatzeko eta denon artean erabakitzeko zer nahi dugun etorkizunean".

Castor Agirrezabalaga: "Aldarrikapena bera da inportanteena"

Baleike 2017-04-08 13:45   Politika

Castor Agirrezabalaga: "Aldarrikapena bera da inportanteena"

Castor Agirrezabalaga (alkate 1979tik 1990era, EAJrekin aurrena, gero EArekin)

"Inportanteena, berez, aldarrikapena bera da, alegia, geu garela gai geure etorkizuna eta geure burujabetasuna lortzeko. Aldarrikapen hori behin eta berriro egin beharra da. Nik ez dakit zergatik, baina ez dute onartzen eta uste dut aldarrikapen hori dela inportanteena”.

Herri galdeketan parte hartzera deitu dute azken sei alkateek eta 50 bat zinegotzik

Baleike 2017-04-08 13:14   Politika

Herri galdeketan parte hartzera deitu dute azken sei alkateek eta 50 bat zinegotzik

Maiatzaren 7an Ontziratu taldeak antolatu duen herri galdeketan parte hartzeko deia egin dute gaur goizean udaletxe aurrean 1979ko lehen udal hauteskunde demokratikoak egin zirenetik aukeratuak izan diren sei alkateek eta 50 bat zinegotzi eta hautetsik. "Demokrazia herritarron erabakia da, eta erabakitzeko eskubidea demokraziaren adierazpen gorena", esan dute agerraldian. [Bihar elkarrizketak: Oier Korta alkatea, EHBilduko zinegotzi Alex Oliden eta PSE-EEko zinegotzi Arritxu Marañon] 

"Hemen bizi garen hiru milioi pertsonen borondatea azaleratzea da beharrezkoa"

Baleike 2017-04-06 16:01   Politika

"Hemen bizi garen hiru milioi pertsonen borondatea azaleratzea da beharrezkoa"

Juanjo Alvarez katedratikoa eta Angel Oiarbide, Gure Esku Dago mugimenduaren sortzaileetakoa, gonbidatuak izan ziren atzo Ontziratuk antolatutako hitzaldian. Maiatzaren 7an egingo den herri galdeketaren inguruan aritu ziren biak hizketan: bata nazioarte mailako legedien inguruan aritu zen; bigarrenak maiatzeko igande horretan botoa ematera animatu zituen herritarrak. 

Maiatzak 7ko festa egitaraua prestatzeko bilera egingo da gaur

Erabiltzailearen aurpegia Ontziratu Zumaia 2017-04-06 09:05   Politika

Maiatzaren 7an egingo da herri galdeketa. Egun horretako festa egitaraua prestatzeko bilera bat egingo da gaur, 18:30ean, Ontziratuk Aita Mari auzategian (Ostolaza burdindegi zaharrean) duen lokalean. Ahalik eta jende gehien hurreratzea komeni da egitarau aberats bat prestatzeko.

"Erabakitze eskubidea hemen eta munduan" hitzaldia asteazkenean

"Erabakitze eskubidea hemen eta munduan" hitzaldia asteazkenean

Erabiltzailearen aurpegia Ontziratu Zumaia 2017-04-03 12:31   Politika

Asteazkenean, arratsaldeko zazpietan, Ontziratu taldeak antolatutako hitzaldia egingo da Alondegian. Gure Esku Dagoko bozeramaile Angel Oiarbide eta Juanjo Alvarez legelari eta nazioarteko zuzenbidean aditua izango dira hizlariak. "Erabakitze eskubidea hemen eta munduan" izango da hitzaldiaren izenburua eta munduan zehar martxan dauden prozesuak izango dituzte hizpide besteak beste. Eztabaida hori moderatzeaz Gorka Zabaleta Baleikeko kazetaria arduratuko da.