Bidasoak eta Anaitasunak lagunarteko partida jokatu zuten atzo iluntzean Lubakin –ikus hemen kronika–, eta ikusmin handia piztu zuen horrek Zumaiako eskubaloizaleen artean. Gainera, Pulpotik irtendako hiru zumaiar elkartu ziren kantxan –Bidasoako Jon Ander eta Asier Iribar anaiak eta Anaitasunako Ander Torriko –, eta azken horrentzat partida ezin bereziagoa zen, ia hiru urteko lesioaren ondoren itzultzen zelako lehiara.
Hedabide honek hirurekin hitz egiteko aukera izan zuen partidaren amaieran, baita partida harmailetatik jarraitu zuen Kauldi Odriozola jokalariarekin ere. Min hartuta dago hori, eta ez zuen galdu nahi izan etxean bere lagunek jokatutako norgehiagoka.
