Legutioko II. maketa lehiaketa irabazi zuen Maialen Velardezek, Beñat Fernandezek, Ales Gorritik eta David Gorritik osatzen duen laukoteak. Saria hiru kanta grabatzea, eta abesti horien bideoklipak grabatzea zen.
Abenduaren 26an plazaratu zuten lehen abestia, Suge, eta urtarrilaren 9an bigarrena, Horma lokartu bat. Gaur bertan txanda horretako hirugarren eta azken abestia aurkeztu dute: Labarretan. Hemen ikus dezakezue.
