.jpg)
Detroit, Azken hatsa eta Hegaz taldeekin finalera iritsi ondoren, Marlik taldeak Legutioko Udalak eta Talde Gune musika eskolak antolatutako II. Maketa Lehiaketa irabazi du. Musikari profesionalez eta udaleko pertsonal teknikoz osatutako epaimahaiak erabaki du saria Marlik taldeari ematea; joaldiaren kalitatea, bereizgarriak eta zuzeneko potentzialtasuna baloratu ondoren.
Legutioko jaietan talde nagusiarekin oholtza elkarbanatuko dute zumaiarrek, eta horrez gain, hiru abesti eta hiru bideoklip grabatuko dizkiete Talde Gune musika eskolako estudioetan.