Ikasturte amaierako jaia berezia izan da aurten euskaltegian. Otsailaren 5ean ezustean hil zen Igor Zendoia AEK-ko irakaslea, eta hutsune ikaragarria utzi du ikasle eta lankide ohien, lagunen eta senideen bihotzetan. Horregatik, Alondegian prestatuta zeukaten jaiarekin hasi baino lehen, euskaltegian bildu ziren denak Igorri merezitako omenaldia eskaini eta beti gogoan izango dutela adierazteko.
Bertso eta hitz hunkigarriak esan zituzten ikasleek; lankideek ere prestatu zioten maitasunez egindako bideoa; eta Igor beti presente egon dadin, haren omenezko plakaz gain, euskaltegiari ere Igorren izena jarri diote.
Omenaldiaren ondoren, Alondegian bildu ziren denak, ikasleen arteko bideo lehiaketako lanak ikusi eta, modaku eta edari artean, joandako lagunarekin bizitako hamaika pasadizo gogoratzeko.