Igandera arte ikusgai da Alondegiko Oxford aretoan Sareak saretzen erakusketa. Bertan, euskal emakume eskultoreen lanak biltzen dituzte. Erakusketa egunero dago zabalik, 18:00etatik 20:00etara; asteburuan eguerditan ere zabalik izango da, 12:30etik 14:00etara.
Erakusketarekin batera, eta Euskal emakume eskultoreen eskutik, emakume irudiaren inguruko tailerra egingo da larunbatean, hilaren 23an, Alondegiko Moila gelan, 12.30etik 14:30era bitartean.
Izenak emateko epea ostiralean, hilaren 22an, itxiko da, 14:30ean. Horretarako, kulturetxea@zumaia.eus helbidera idatzi beharko dute interesdunek. Plazak mugatuak dira, eta beharrezkoa bada zozketa egingo dute antolatzaileek.