Txikienetatik hasi eta nerabeak arte, ehunka gaztek eta haien irakasleek bete dituzte Zumaiako erdiguneko kaleak euskararen aldeko martxan. Nerabeak abiatu dute Korrika txikia Talaipe paretik, eta bidean adinez txikiagoak direnak joan zaizkie batzen plazara heldu arte.
Zumaiako eskoletako ikasleek hartu dute parte eguerdian Korrika txikian. Talaipe paretik abiatu eta Gurrutxaga plazan amaitu dute euskararen aldeko martxa koloretsua.
