Euskal Herriko mugimendu feministak datorren azaroaren 30erako deitu duen greba feminista orokorraren nondik norakoak azaltzeko bilera egingo du Zumaiako Mugimendu Feministak herriko merkatariekin eta ostalariekin. Bilera bihar egingo da, asteartez, 15:00etatik aurrera Zumaiako Emakumeon Etxean.
Pasa den astean Zumaiako Herri Eskolan izan ziren Mugimendu Feministako kideak eskolako irakasleek eskatuta, irakasleei zein ikasleei grebaren inguruko informazioa emateko. Greba feminista orokorra nola landu antolatzekotan geratu ziren Herri Eskolako irakasleak.