Ekain Albite eta Sambou Diaby zumaiar gazteek bazuten beren lana etxean erakusteko gogoa, eta baita urduritasuna ere, aste honetan bertan Diabyk hedabide honi aitortu zionez. Laiotz film laburreko aktoreetako bat da Diaby, eta zuzendaria, berriz, Albite.
Aita Mari zinema aretoan 19:00etan zen hitzordua atzo, eta jende ugari elkartu zen han filma ikusteko eta ondorengo solasaldiaz gozatzeko. Izan ere, ikus-entzunezkoaren ondotik, Jon Maia bertsolari eta idazlearekin solasean aritu ziren Albite eta Diaby.
(Argazkiak: Zumaiako Kultura Saila)