Udaleko kultura sailak antolatutako Irakurtzen duten zumaiarrak arriskutsuak dira egitarauaren barruan, Daniel Carballo Ostolaza zumaiarrak Plazas con frontón en Euskal Herria liburua aurkeztu zuen atzo, Alondegiko ganbaran egindako ekitaldian.
Arkitektoa eta pilotaria da Carballo eta lehen eskutik ezagutzen du pilota jokoak urteetan zehar izandako bilakaera. Zelai luze eta zabaletan jokatzetik, milaka lagun biltzen dituen pilotaleku handietara. Horren guztiaren berri eman zuen atzo Alondegiko ganbaran emandako hitzaldian.