San Bartolome jaietan murgilduta dabiltza asteazkenaz geroztik Oikian, eta Umeen Eguna izan zuten atzo. Puzgarriak, askotariko jolasak eta karrikotxe karrerak egin zituzten goiz-eguerdi partean. Herri bazkaria ere izan zuten, baita puzgarriak eta disko festa ere, egunari amaiera dotorea emateko.
Bideoan, goiz-eguerdi parteko ekintzak.
Gaur, ostirala, Blusa Eguna da, eta eguraldiak askorik lagundu ez arren, izango dute zer gozatua.
San Bartolome jaiak, egitaraua:
Gaur, ostirala, Blusa Eguna
- 11:30. Bertso poteoa txarangarekin. Bertsotan, Julio Soto eta Jon Maia.
- 14:00. Herri bazkaria plazan.
- 17:00. Txan magoa.
- Ondoren. Zoro jolasak.
- 23:00. Laket taldea.
Bihar, larunbata
- Goizean. Bizikleta klasikoen erakusketa txangoa.
- 12:00. Kroketen lehiaketa gastronomikoa.
- 18:00. Sagardo dastaketa.
- 22:00. Erromeria Izer eta Alabierrekin.
- Ondoren. DJ Berto, goizaldera arte.
Etzi, igandea, San Agustin Eguna
- 09:45. Meza nagusia.
- Ondoren. Herriko edadetuei omenaldia.
- Goizean zehar. Otxotea herrian zehar.
- 12:00. Lopeneren animaliak.
- 14:00. Herriko jubilatuen bazkaria Muniosoron.
- 18:00. Herri kirolak. Aizkoran: Aratz Mugertza, Jexux Mujika, Eloi Kortxero, Arkaitz Jauregi. Harri jasotzen: Udane Ostolaza.
- Ondoren. Idi probak: Etxetxo eta Etxabe.
- 22:00. Erromeria, Ostolaza eta Larrañagarekin.