Ekainaren 4an estreinatu zuten Suharra, gure arbasoen ondarea dokumentala. Zumaian bihar, ostegunean, ikusi ahal izango da: Aita Mari aretoan emango dute 19:30ean. Gonbidapen-txartelak Turismo Bulegoan daude eskuragai aurreko larunbatetik.
Iñaki Agirrezabalagak egin ditu zuzendari lanak ikus-entzunezkoaren ekoizpenean, eta parte hartu du, besteak beste, Asier Albite zumaiarrak ere. "Galtzeko zorian" dauden Euskal Herriko behi-arrazen inguruan hitz egiten du dokumentalak baina, hortik harago, "galtzeko arriskuan" dagoen "baserriko bizitza" lantzen du.
