Aurrera doa Gipuzkoako Herriarteko Txapelketa, eta asteburu honetan bigarren bueltari helduko diote zesta-puntan. Lau talde ari dira lehian, eta sei jardunaldiko ligaxka ari dira jokatzen. Orain arte jokatutako hiru jardunaldietan nagusitu da Zumaia, baina ez ditu partida guzti-guztiak irabazi: Mutrikuren aurka norgehiagoka bat galdu zuen aurreko astean.
Ostiralean, maiatzaren 21ean, izan zen jardunaldi hori, ligaxkako hirugarrena. Hona hemen hiru partidetako emaitzak:
- Mutriku-K (Zubizarreta-Ansola) 15 - 30 Zumaia-K (Watkins-Agirre)
- Mutriku-J (Urreisti-Basterretxea) 30 - 16 Zumaia-J (Egaña-Odriozola)
- Mutriku-N (Iparragirre-Mantzisidor) 18 - 30 Zumaia-N (Agirre-Uranga)
Datorren asteburuan, zumaiarrek donostiarrak izango dituzte aurkari, bigarren aldiz. Haien aurka aritu ziren lehenengo jardunaldian ere, eta hiru norgehiagoketan gailendu zen Zumaia. Partida horietako emaitzak ikusteko, sartu hemen