Benetan Be Teatroaren bigarren ikuskizuna. Ikusle gazte eta ez horren gazte, heldu eta oraindik heltzear daudenentzat sortutakoa. Hainbat zalantza, grina, ezintasun aseezintasun eta beste horrenbeste ergelkeria sexual eta afektiboez elkarrekin barre egiteko. Dena zuzeneko musikaz blai.
Sinopsia: Soinu-proba. Azken kontzertua Gaztetxean. Gaztetxea ixtera doa. Gazteak heldu zaizkigu eta ez dago inor lekukoa hartzeko prest. Taldearen azken kontzertua ere bada. Seme-alabek, lanek, nekeak, gain hartu dute. Soinu-proba aurrera doan heinean, taldekideen eta euren inguruko ume eta gazteen bultzada, galdera eta pasioen argazki musikala, zuzeneko bideoklipa, izango dugu zentzuen aurrean. Betiere, Porno eta Afrodita jainko-jainkosa basatien begirada apetatsupean.
Sarrerak salgai izango dira urtarrilaren 30etik aurrera Turismo bulegoan: 6 eurotan, 4 euroren truke gazte txartelarekin.