Aurtengo inauterietan kalteak eragin zizkioten San Telmo kalean egon ohi den santuaren irudi txikiari. Udalak adituen esku utzi zuen orduan konponketa lanak. Hain zuzen ere, Rakel Nacenta zaharberritzailea aritu da hilabeteotan lan hori egiten.
Santuaren irudi txikiaren aingura margotu eta bere lekuan ezarri, salbamendu-txalupa zaharberritu, kandelak garbitu, koroa garbitu eta botoiak margotu ditu Nacentak, besteak beste. Artelanak eta interes historikoko obrak egoera onean mantendu daitezen egiten du lan, eta horretarako garbiketa, konponketa eta mantentze lanak egiten ditu.