Herritar batek Udaltzaingoari Amaia plazako edukiontzi bati kea zeriola jakinarazi dio, 17:30ak aldera. Udaltzaingoa Amaia plazara gerturatu da, eta errefusaren edukiontziak su hartu duela baieztatu ondoren, suhiltzaileei pasa diete abisua.
Udaltzaingoak jakinarazit duenez, arriskutsua izan zitekeen su-itzailgailua erabiltzea. Protokoloari jarraituz, suhiltzaileek itzali behar izan dute.
Sua nahita eragindakoa izan daiteke, Udaltzaingoaren arabera. Larunbatetik iganderako gauean beste edukiontzi baten inguruan piztu zen sua Juan Belmonte kalean; auto bati eta lonja bateko ateari hainbat kalte eragin zizkion.