Jon Agirre txirrindulari arroarra profesionaletan lehiatuko da Kern Pharma taldearekin

Arroa Behekoak 23 urtez azpikoetan azken urtea osatu du aurten, eta besteak beste, Tour de l'Avenir lasterketan mendiko saria irabazi du.

Jon Agirre txirrindularia (Arroa Behea, 1997) profesionaletan ariko da datorren denboraldian. Kern Pharma talde berriak fitxatu du, hain zuzen ere, arroarra. Agirrek zein bere talde berriak batera egingo dituzte lehen urratsak txirrindularitza profesionalean 2020ko sasoian. Izan ere, talde sortu berria da Kern Pharma; afizionatuetako Lizarte taldean du hazia Nafarroako talde horrek, eta Continental mailan lehiatuko da.

Taldeak berak eman du Agirreren fitxaketaren berri, sare sozialetan. Arroabekoak 23 urtez azpikoetan azken urtea osatu du aurten, Baque-Ideus taldean; bi denboraldi egin ditu talde horretan. Igotzailea da Agirre eta joan den abuztuan lortu zuen bere orain arteko kirol ibilbidearen lorpen entzutetsuena, Tour de l’Avenir lasterketan mendiko saria irabazita.

“Amets bat betetzea da niretzat profesionaletara jauzi egitea, eta are gehiago jauzia nigan konfiantza erakutsi duen etxeko talde batekin egitea”, adierazi du arroarrak bere talde berriaren sare sozialetan.

Erlazionatuak

Jon Agirre: “Profesionaletara iritsi nahi badut, ahal dudan ekiporik hoberenera joan behar dut"

Zumaia

Agoteko gazteak, urtebeterako sinatu du Baque-BH talde bizkaitarrarekin. Hala, maila berean jarraituko du datorren denboraldian ere; afizionatuan. ...