Entzunaldia egin zuten Musika Eskolako ikasleek komentuan eta ondoren kalejiran atera ziren Erribera kalean zehar Beheko Plazaraino.
Datozen ekitaldiak asteburuan egingo dituzte. Larunbatean Bandaren eguna izango da, eta horren baitan, 12:00etan, kalejira bat egingo dute, eta 13:00etan kontzertua Beheko Plazan. Euria egiten badu Zumaienako aretora eramango da.
Igandean, 10:00etan, Udal Txistulari Bandak goiz soinua eskainiko du. 11:00etan Beheko Plaza abesbatzak kantatutako meza izango da, eta, jarraian, abesbatzako kideak kalez kale ibiliko dira kantu kalejira batean.
