baleike.eus

Hondakinen 47 edukiontzi sabotatu dituzte Zumaian

Baleike 2018-02-23 22:03   Gizartea

Hondakinen 47 edukiontzi sabotatu dituzte Zumaian Kablea moztuta Pulpo pareko edukiontzian. | Ikusi handiago | Argazki originala

Herenegun jarri zen abian hondakinak jasotzeko sistema berria Zumaian, eskualdeko beste herrietan jarri ondoren. Ekimenaren hasiera ezin esan pozgarria izan denik. Izan ere, edukiontzi horietatik dezente sabotatu dituzte.

Otsailaren 21etik aurrera beharrezkoa izango zen txartela erabiltzea errefusaren eta organikoaren edukiontziak zabaltzeko. Urolako Kostako Udal Elkartearen arabera, asteazken bertan itxi zituzten edukiontzi guztiak. Baina, askok ikusiko zuten bezala, edukiontzi horietatik asko zabalik daude oraindik. Horren atzetik sabotajea izan dela adierazi du Udal Elkarteak. Mankomunitateak emandako datuen arabera, herrian jarritako 47 edukiontzi sabotatu dituzte, txartel irakurgailuaren kableak moztuta. 

Aurrez ere erresistentzia puntuak ere sumatu izan dituzte herrian. Zumaiako auzo batean edukiontzien irlak lekuz aldatu zituzten. Bizilagunek ez zuten erabaki hori gustukoa izan eta aurreko lekua zabor poltsez bete zuten. 

Urola Kostako Udal Elkarteak datorren astean aztertuko du gaia, eta orduan erabakiko du neurririk hartuko duen ala ez.

Erantzunak

gadget 2018-02-22 22:19 Erantzuna | #1

Jendea harrotu zenuten birziklapenaren kontra, birziklapena borondatezko aukera zela eta "ezin zela inposatu" esanez. Jendea berotu zenuten etxe guztietan zabor poltsak zintzilik jartzeko, gezurrekin jendea beldurtu nahi izan zenuten eta botoak irabazi. Eta orain, zuei tokatu zaizue jende horri birziklatzea betebeharra dela esatea, eta harrotu zenuten jende hori oraindik lotsagabe dabil birziklapenaren kontra.
Arazoa lehen eta orain berdina zen: batzuek dena batera poltsa bakarrean botatzen jarraitu nahi zutela. Hori erabili zenuten botoak irabazteko, eta orain nola esan jende horri hondakinak bai ala bai banatu behar dituela?
Eta bitartean ondo egiten genuenak, ondo egin nahi genuenak eta ondo egiten jarraitu nahi dugunak, axolagabeen jarrerak ordaintzen.

guliber 2018-02-23 13:53 Erantzuna | #2

Guztiz ados, gadget. Penagarria baina horrela izan da. Lehenik eta behin, aldarrikapen bat, "BIRZIKLAPENA INPOSATU EGIN BEHARRA DAGO"
Horren zaila al da, etxetik poltsa arrastaka daraman horri, kristal soinuak, plastikozko ontziak agerian eta zabor organikoen kiratsa darion horri, altoa eman eta birziklatzera behartzea, lehenego tokea jo eta gero behartu. Trafiko arauak betearaztera bideratzen dituzuen esfortzuen herena zabor gestiora bideratuko bazenituzte, askoz ere errezago litzake, 50€ tako pare bat izun jarri, eta akabo txuleria guztiak. Hiritarrok, etxetik etaratzen dugun zaborraren jabe gera, eta horren ardura hartzera behartuta gaude, onera edo txarrera, eta neurriak kalean eta zuzenean hartu beharko lirateke.
Orain bai, bizitza guztian gure zaborrak gestionatzen ibili garenoi, zaborra nora bota agintzen diguzue, ditxosozko txartelakin, etxetik irten eta gure norabieda aldatu dagokigun edukiontzitara joateko.
Semáforo gorri bat pasatzea zigortuta dagoen bezala, zergatik ez duzue sekula zaborren inguruan gende askok arakutsitako lotsagabekeria zigortu, horren zaila al da. Munizipalak trafikorako, eta ez beste ezertarako, eta orain gendeak azaleratutako ezadostazunari, sabotaia eta kale borroka deituko diozue.
Eta gainera, ostaritzan atez atekoa esartzen, sineztezina!! Ni ere atez atekoaren kontrakoa izan naiz betidanik, katxeo sistematiko bat iruditu zait betidanik, eta orain atez atekoa esartzen duzue? Eta beste txartel nazkagarri baten titular bihurtzen nauzeu.
Bestalde, aspaldiko kontua da, auzo konpostako guneetatik helduta dagoen konposta kentzeari uko egin dio udalak, hartara dabiltzanen eginbeharra dela argudiatuz. Etxe ondoan oso modu solildarioan gestionatzen duteneei, orain konposta "jatera" behartzen dituzue. Argi dago sistema hori ez zaizuela interesatzen, estadistiketatik kanpo dagoen zabor kopurua denez, ez ditu ondo gestionatutakoaren portzentaiak altzatzen, eta hori da inporta zaizuen bakarra. Aukera polita daukazue orain, basustako aisialditarako baratzetara eramateko, eta modu hortan, konpostatzen urteetan fin ibili direneei bidea erraztu.

Xobi 2018-02-24 08:25 Erantzuna | #3

Berri pozgarria. Ondo birziklatzen dugunok horrela jarraitu ahal izango dugu modu eroso baten.
Ez dutenek birziklatzen ea pedagogia apur batez lortzen dugun berauek ere animatzen, edo eta izun batzuk jarriaz Guliberrek dioen bezala. Ala ere nik uste pedagogia eta erraztasunak jarriaz datu obeagoak lortzerik daudela, talde politikoak ikasten mikan jarraituz ez dogu askorik lortuko.

gadget 2018-02-25 15:29 Erantzuna | #4

Arazoa da "erosotasuna" birziklatzeko betebeharraren gainetik jarri zela orduan, eta noski, "erosotasuna" nola subjetiboa den, ba orain egongo dela jendea ez zaiona erosoa irudituko txartelarekin ibiltzea eta aitzakia hori erabiliko duena gaizki egiten jarraitzeko.
Eta "estetika" rekin berdin. Orduan gauza horiek birziklatzeko betebeharraren gainetik jarri ziren eta horrek aitzakia ematen die oraindik batzuei gaizki egiten jarraitzeko.
Eta lehia politikoa aipatzen duzue, baina oraingo honetan ez da gai honetan alderdien arteko eztabaidarik sumatzen...beraz hori ere aitzakia hutsa da. Egiten ez duenak ez du egiten nahi ez duelako, lehen eta orain.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa