Denboraldiak lau hilabeteko iraupena izango du, baina bitan zatituko da: Mexiko bertako pilotariek denboraldi osoa jokatuko dute; Euskal Herritik joandakoek, berriz, bi hilabete bakarrik jokatuko dituzte: otsaila-apirila edo apirila-ekaina. Guztira 164 partida eta 126 kiniela jokatuko dira. Jaialdiak ostegunetan, larunbatetan eta igandetan jokatuko dira eta hiru izango dira jokatuko diren sariak, horietatik bi nazioarte mailakoak.
Esan bezala, hiru zumaiar izango dira lehian. Goikoetxeak bi hilabeterako fitxatu du, Cosme Agirrek profesional bezala debutatuko du, eta Mexikon bizi den Imanol Lopezek denboraldi osoa jokatuko du. Goikoetxeak denboraldiko lehen zatia jokatuko du, eta Agirrek bigarrena.