Gaur goizean jokatu da Sestaoko triatloia, distantzia olinpikoko Euskadiko txapelketa. Horrez gain, euskal zirkuitutako puntuagarria zen gaurko proba. 1,5 kilometro egin behar izan dituzte igerian, 40 kilometro bizikletan eta azken 10ak korrika.
Ohikoa duen bezala, lehena izan da igeriketa sektoretik ateratzen. Bigarren atera den Grace Musgrove australiarrari 7 segundoko aldea atera dio. Bigarren kirolean, bizikletan, aldea mantendu du australiarrarekin eta korrikakoan areagotuz joan. Amaieran, 2:16:33 denborarekin irabazi du Sestaoko hitzordua. Bigarren Grace Musgrove izan da, 2:18:57 denborarekin eta hirugarren Usoa Ostolaza 2:20:43 denborarekin.
