Zumaiako Berdintasun Foroaren erakusketa bat muntatuko da autobusean bertan. Horrez gain, bihar, 18:00etatik aurrera, mahai-inguru bat egingo da. "Gure helburua da Berdintasun foroaren papera zein den erakustea herritarrei, zein helburu dituen, nork hartzen duen parte, etab. Horretarako mahai-ingurua egingo da", azaldu du Karmele Gomezek, Udaleko Berdintasun Teknikariak.
Azaroaren 23an, goizean, 10:00etatik 12:00etara, soldadura eskolakoekin tailer bat garatuko da maskulinitateei buruz, eta arratsaldean, herriko nerabeekin (Gaztegunearen laguntzaz) tailer berezia egingo da azaroaren 25eko esanahia lantzeko. Hau ere 18:00etan izango da.
