Lankidetza hitzarmena sinatu du Udalak Maria eta Jose ikastetxearekin
2017-06-23 15:31
Hezkuntza
Gaur eguerdian sinatu dute Marikruz Alvarez, Ogasuneko zinegotziak eta Isaak Aranberri, Maria eta Jose ikastetxeko zuzendariak Udalaren eta ikastetxearen arteko lankidetza hitzarmena. Akordio hori aitzindaria da Zumaian, inguruko herriek, Orio, Azpeitiak, Zarautzek edo Azkoitiak, esaterako, itunpeko ikastetxeekin akordioak sinatuta badituzte ere, Zumaian gaur arte ez delako horrelakorik sinatu.
Ostiralean puzgarriak izango dira kiroldegian
2017-06-21 15:23
Kirola
Neguko kanpainaren amaiera dela eta, ohikoa den bezala, ekainaren 23an puzgarriak egongo dira igerilekuan 15:30etik 18:00etara bitarte, kiroldegiko bazkide edota ikastaroetan parte hartu duten herritarren gozamenerako.
Moilako pantalana aurrerantzean Saregileen plaza parean kokatuko da
2017-06-21 12:43
Gizartea
Uda sasoia ofizialki gaur hasten bada ere, Zumaian dagoeneko bete betean gaude hondartza denboraldian sarturik. Horren harira, joan den hilaren 15ean jarri zen martxan erdigunea kirol portuarekin eta Santiago hondartzarekin lotzen duen txalupa zerbitzua.
DNA jasotzeko Gogora Institutuak zuzentzen duen proiektura atxiki da Zumaia
2017-06-20 15:56
Gizartea
Proiektu horrek helburu du Gerra Zibilean senideren bat galdu zuten pertsonen DNA lagina biltzea hobietatik ateratako gorpuzkinenekin alderatu eta horien identifikazioa errazteko.
Martxan dago udako txalupa zerbitzua
2017-06-19 11:59
Gizartea
Jada hasiera eman diogu uda denboraldiari eta horrekin batera martxan da ere erdigunea kirol portuarekin eta Santiago hondartzarekin lotzen duen txalupa zerbitzua.
Iritsi da udara Zumaiara
2017-06-16 16:42
Kultura
Eguraldi ona, eguzkia eta epeltasuna nagusitu dira dagoeneko eta horrekin batera, ongietorria eman dio Zumaiak 2017ko hondartza denboraldiari.
Zumaiarren ongizatea eta haiei egokitutako herria eraikitzea izan dira udal gobernuaren lehentasunak legealdiko lehen bi urteetan
2017-06-16 15:03
Politika
Udal soberakina hirukoiztu izana kudeaketa onaren adierazle gisa azpimarratu du gobernuak, baita legealdi erdirako hauteskunde programan jasotako hainbat proiektu gauzatu eta beste asko martxan jarri izana ere. Era berean, etorkizunera begira, gardentasunez, gertutasunez eta eraginkortasunez, modu berean lanean jarraitzeko konpromisoa azaldu du, herritarrekin elkarlanean, aukera berriak eskaini eta haien beharretara egokitutako Zumaia eraikitzeko.
Larunbatean egingo den Bizikleta Eguna dela eta trafiko etenak izango dira
2017-06-15 10:27
Gizartea
Datorren larunbatean, hilak 17, Bizikleta Eguna ospatuko da Zumaian eta antolatutako ekintza ezberdinen artean, 16:00etatik 17:30era bitarte txirrindulari lasterketa egingo da. Horrek eragina izango du trafikoan.
[BIDEOA] Aparkamendua erregulatzeko sistemaren nondik-norakoak
2017-06-14 20:46
Gizartea
Ekainaren 15etik irailaren 15era indarrean egongo da aparkamendua erregulatzeko sistema. Xehetasunak ezagutu nahi badituzu hemen duzu informazio guztia!
Bizikleta Egunaren II. edizioa egingo da larunbatean
2017-06-13 16:55
Kirola
Datorren larunbatean, hilak 17, Bizikleta Egunaren II. edizioa egingo da Zumaian, eta horren harira, Udalak, herriko hainbat eragileekin elkarlanean, egitarau zabala antolatu du. Besteak beste, txirrindulari probak, mendi bizikleta irteera, cycling saioak eta paella dastaketa antolatu dira.
Eskola Bideak proiektuaren lehen proba pilotua egingo da datorren astean
2017-06-13 11:29
Gizartea
Proiektu honetarako herriko auzo eta guneetatik Zumaiako bi ikastetxeetara doazen bost ibilbide nagusi prestatu dituzte antolatzaileek. Bidean zehar hainbat geraleku egongo dira, bakoitza bere ordutegiarekin, eta horrela, ikasleak geraleku horietan batuko dira taldera.
Erribera kalea oinezkoentzako gunea izango da ostegunetik aurrera
2017-06-12 15:03
Gizartea
Ostegunean jarriko da indarrean aparkamendu antolaketa sistema eta horrekin batera, Udalak Erribera kalea oinezko gune egiteko aprobetxatu du.
Zumaiak merkataritzaren astea ospatuko du hilaren 12tik 17ra
2017-06-11 09:16
Gizartea
Datorren astean Merkataritzaren astea izango da Zumaian eta ospakizun horren baitan hainbat zozketa, opari, deskontu eta kontzertuez gozatzeko aukera izango dute herritarrek.
Datozen egunotan txartel identifikagarriak banatuko dira Zumaian erroldatuta dauden ibilgailuentzat
2017-06-09 14:05
Gizartea
Jada egun gutxi gelditzen dira aparkamendu sistema berria indarrean jartzeko eta horren harira, agindu bezala, Zumaiako Udalak doako txartel identifikagarria igorriko die Zumaian erroldatuta dauden ibilgailuen jabeei, erregulatutako gunean bizi direnei eta ez direnei ere.
Turismo teknikari laguntzaile bat kontratatuko du Udalak
2017-06-08 14:19
Ekonomia
Turismo teknikari laguntzailea kontratatzeko prozesua Lanbideren bitartez egingo da, eta interesdunek bertan aurkeztu ahal izango dituzte eskaerak eta curriculumak ekainaren 14a arte. Lan kontratua bi hilabetekoa izango da, uztailaren 1etik abuztuaren 31a arte, eta lanaldia, aldiz, %90ekoa.
Tao bulegoaren ordutegiaren eta egoiliar txartelaren inguruko hainbat argibide
2017-06-07 14:50
Gizartea
Datorren ostegunean, ekainaren 15ean, aparkalekuen sistema berria jarriko da martxan, eta horren harira, Udalak bi argibide eman ditu.
Bihartik aurrera Oikiak autobus geraleku berria herrigunean izango du
2017-06-06 15:00
Gizartea
Joan den maiatzaren 10ean Zumaiako Udala Oikia auzoko bizilagunekin bildu zen gaur egun errepide ondoan dagoen autobus geralekua kendu eta hori ordezkatuko duen berriaren kokalekua haiekin zehazteko.
Trafiko mozketak izango dira larunbatean Zarauzko triatloia dela eta
2017-06-06 10:07
Kirola
Datorren larunbatean, hilaren 10ean, Zarauzko triatloia egingo da, eta ondorioz, hainbat trafiko aldaketa egongo dira Zumaian 14:00etatik 17:45era bitartean. N-634 errepidea itxita egongo da Zarauzko norabidean.
Egoiliar txartela internet bidez ere eskuratu ahal izango da
2017-05-31 19:27
Gizartea
Joan den osteguneko ohiko osoko bilkuran aho batez onartu zuen udalbatzak herriko aparkamendua antolatzeko ordenantza. Aparkamendu sistema berria indarrean egongo da hondartza denboraldiak irauten duen bitartean, ekainaren 15etik irailaren 15era, alegia. Horrenbestez, datorren hiruhilekoan, erdiguneko egoiliar guneetan aparkatzeko ezinbestekoa izango da egoiliar txartela izatea.
Trafiko aldaketak patin lasterketa dela eta
2017-05-29 17:09
Kirola
Datorren larunbatean, hilak 3, Zumaiako V. patin lasterketa jokatuko da eta, ondorioz, 16:00etatik 18:00etara autobusek Patxita Etxezarretan egingo dute geldiunea, Txomin Agirre Kaiara sartu gabe.
Eta kristalezko itxiera hori horrela utzi behar dute? Batere itzalik ez? Eguzkitan denbora osoan? Nire ustez ez da oso egokia...
»» Iritsi da udara Zumaiara