Euskal itsas-balentrien antzinako monumentuak izena du Zumaiako hitzaldiak eta hizlaria Xabier Alberdi historialaria izango da. Olazabal Idazkariaren jauregi aurrean hasi eta San Telmo komentuan amaituko da. Historian zehar euskaldunek itsasoetan burututako balentriak ondorengoek ahaztu ez zitzaten, elizetan eraiki zituzten oroigarri eta monumentuak aztertuko ditu. Besteak beste, Zumaiako San Pedro parrokia, San Telmo ermita, San Jose komentua eta zenbait jauregi eta dorretxe ezagutuko dira.
Ekitaldia azaroaren 22an, 11:00etan hasiko da. Izenak Zumaiako turismo bulegoan emango dira (tel. 943143396, turismoa@zumaia.net).
Aipatu, bestalde, igande honetan Getarian izango dela hitzaldi ibiltaria, San Anton mendiko sekretuak izenarekin. 11:00etan aterako da Getariako moilatik. Izenak Getariako turismo bulegoan emango dira (tel. 943140957, turismogetaria@euskalnet.net).