Zorroztasuna galdu duen lanabesari “amotza” edo “amoztuta” dagoela esaten diogu Zumaian. Beste toki batzuetan “amutz” edo “amots” ere esaten dute, eta oro har formarik zabalduena “kamuts” da.
Zarauzko Antigoaleko hiztegian azalpen polita eman zuen Txiliku idazleak. 1878ko balearen kontuekin lotuta, ezaguna da getariarrek zarauztarrei burla egiteko abesten dieten kantutxoa:
Zarauztarrak txoroak,
balea hiltzera,
arpoia amots-amotsa
harria jotzera.
Batzuek arpoia motza-motza esaten dute, baina badirudi amots-amotsa dela zuzenagoa.