Euskara Txanpan - Baleike.eus

(BIDEOA) Joseba Beobide: Ternuako irletan euskal kutsua

Euskara Txanpan 2018-04-20 08:01 Euskara

Julio Beobide eskultorea zuen aita Josebak. 1962an apaiztu eta Pasai Donibaneko elizaren ardura hartu zuen. 1966an Ternuara joan zen, eta guztira 22 urtez aritu zen euskal arrantzaleen zerbitzura. Bideoan kontatzen du Saint-Pierre eta Mikelune irlan atentzioa eman ziola sumatu zuen euskal kutsuak.

(BIDEOA) Irene Yeregi: Errepublika garaiko bizipenak

Euskara Txanpan 2018-04-13 09:04 Gizartea

Ama oikiarra zuen Irenek, eta aita usurbildarra, Jesus Yeregi, abertzalea eta gerra aurrean Zumaiako Batzokian lan asko egindakoa. Errepublika garaiko kontuak azaltzen ditu bideoan.

(BIDEOA) Jexux Gorostola: San Telmo kalean, denetik egin behar bizimodua ateratzeko

Euskara Txanpan 2018-04-06 08:33 Gizartea

San Telmo kalean jaioa da Jexux Gorostola, eta garai batean nolakoa zena azaltzen du bideoan, Akelino Osa (1930-2015) lagunarekin batera. Etxe azpietan abereak izaten ziren, txerriak, oiloak eta abar. Bizimodua ateratzeko lehen etxean baratzea izaten zuten eta gero itsasoan ere lan egin behar izaten zen, eta baita lantegian ere. Handik eta hemendik ateratzen zen bizitzeko lain.

(BIDEOA) Lehengo arropak, sasoian sasoikoak

Euskara Txanpan 2018-03-23 08:18 Euskara

Sabina Romatet eta Luisita Gorostola 1920ko hamarkadan jaiotakoak dira, eta bideoan kontatzen dute nola garai batean sasoian sasoikoa janzten zen. Santelmoetan tergalezko batak janzten ziren. Egunik handiena jaunartze txikiaren eguna izaten zen.

(BIDEOA) Jose Manuel Agirre “Endañeta”: “Egunean bi txuleta jaten nituen”

Euskara Txanpan 2018-03-16 10:27 Euskara

Itziarko Endañeta baserrian jaio eta bertan bizi izan zen ezkondu arte. Gipuzkoako harri-jasotzailerik onenetarikoa izan zen bere garaian. Entrenamenduei buruzko azalpenak ematen ditu bideoan: astean bitan entrenatzen zen harriarekin, eta gainerakoan, sokasaltoan eta mendian ibili ohi zen.

(BIDEOA) Joxe Mari Etxabe ‘Mendaro’: Despeska nola egiten zuten emakumeek

Euskara Txanpan 2018-03-09 10:23 Euskara

Estazioko Mendaro baserrian jaio eta hazi zen Joxe Mari Etxabe. Besteak beste, 'Ortiz' kontserba fabrikan aritu zen lanean, eta bideoan azaltzen du despeska zer zen. Emakumeek nola egiten zuten ikustera joaten zen umetan. Emakumeak sareak josten ere aritzen ziren moilan. Atuna, antxoa eta berdela ziren ontzi handien arrantza nagusia.

(BIDEOA) Brigida Ibarbia: Lixiba egiteko surtako hautsa

Euskara Txanpan 2018-03-02 09:12 Euskara

Oikiako Pikaondo baserrian jaioa da Brigida, eta arropa zuriak hasieran nola garbitzen zituzten azaltzen du bideoan. Egurrarekin egindako surtako hautsa jaso egiten zuten. Arropa (lihozkoa asko) zinka baten jartzen zen ur epeletan eta pasadera batekin sutako hautsa botatzen zitzaion gainera. Beratzen uzten zen eta surtako hautsak zikina ateratzen zien arropei. Gerora, xaboi pastillak erabiltzen hasi ziren.

(BIDEOA) Akelino Elosua: Basadizarretako sailetan antxoa ongarritzat

Euskara Txanpan 2018-02-23 08:35 Euskara

San Jose kalean jaio zen Akelino, "Porteneko" etxean. Etxearen gaineko aldean baratze txiki bat zuten eta Basusta inguruan zituzten sail gehiago, Basadizarretan. Baba, patata, erremolatxa, arbia... egiten zuten. Garia ere ereiten zen hasieran, baina ez zen errentagarria . Lur ona zegoen erriberan, hezetasun handia zegoelako.

[BIDEOA] Xanti eta Angel Osa: Etxean egindako sagardo kopurua "txaperoari" aitortu behar

Euskara Txanpan 2018-02-16 08:45 Euskara

Arritokieta ermitara bideko Añezkoa kale baserrian jaioak, txikitatik baserriko lanetan eta bestelakoetan aritu ziren Xanti eta Angel. Etxean zenbat gari edo baba hartzen zen apuntatu egin behar izaten zen eta udaletxeari adierazi.

[BIDEOA] Mª Jesus Manterola: Abertzale izateagatik, Zumaiatik kanpora

Euskara Txanpan 2018-02-09 13:13 Euskara

Zumaiako Harategi kalean jaio zen Maria Jesus "Bixi". Gerra garaian, 1937ko otsailaren 13an eta 14an, Zumaiatik bota zituzten 252 herritar, abertzaleak zirelako. Kamioietan sartu eta Santanderrera eraman zituzten batzuk. Santanderren, Maria Jesusek emakume baten etxean pasa zituen pare bat egun. Gero handik Iparraldera bidali zituzten, eta oso gustura egon ziren han.