Ezker-eskuin egindako ile mototsei deitzen diegu Zumaian “akerramoñoa”, eta gehienbat neska txikiei egin ohi zaien orrazkera da.
Zarautzen, Txilikuk bere Antigoaleko hiztegian jaso zuenez, izaera bihurria edo ezohikoa duen pertsonari esaten zaio, eta emakumeei sarriago; izan daiteke endredamakila, bazter-nahastailea, sorgina… Badu disidentziaren marka ere, eta horren adibide da Andoni Egañak zutabe honetan idatzi zuena:
Emakumeek eskolan egiten zuten kirola, askok bonbatxo definigaitz batzuez uniformaturik, eta heziketaren zamaz, askok nahiago izaten zuen boleibolean ongi pasatu baino azazkalak ez puskatzearren baloiaren ihes ibili. Arrasto behartu horretatik irtetera ausartzen ziren bakanek «akerramoño» ospea itsatsirik eramango zuten.