EH Bilduk jarrera proaktiboa izan du Turismo Plana eratzeko lanean, eta mekanismo egokiak txertatu ditugu, hiru helburu bermatze aldera:
1.- Ingurune naturala babestea. Zumaiarron kezka nagusienetakoa da, eta behar izanez gero,
muga zorrotzak jartzea gu guztion esku legoke.
2.- Espazio publikoaren pribatizazioa saihestea, mugak aurreikusiz. Espazio publikoak giza
harreman sano, aske eta askatzaileak ahalbidetu behar ditu, harreman merkantilistak ez daitezela
nagusi izan.
3.- Gizartean, orohar, izan daitezkeen ondorioei adi egotea, egitura sozioekonomikoari
eusteko (turismoaren nagusitasuna saihestuz), etxebizitza turistikoak arautzeko, lan baldintza
duinak bermatzeko, eta abar….
Eta helburu hauek lortzeko bi tresna:
1.- TURISMO BEHATOKIA: neurketak egiteko, besteak beste Zumaiak jasan dezakeen
bisitari kopuru gorena (iraunkortasuna bermatuz), gero erabakiak hartu ahal izateko, non eta
2.- TURISMO MAHAIAn: eragile eta sektore guztiak ordezkatuta egongo diren gune anitza,
turismoaren inguruan hartu beharreko erabaki GUZTIETAN erreferente izango den gune
kolektiboa, LIDERGO KOLEKTIBO KOMUNITARIOA gauzatuz, planak dioen bezala.
Baina planean badaude kritikatzeko moduko baieztapenak, “Hazkunde jarraitu eta jasangarrian”
gehiegizko fede (gure ustez itsua) azaltzen da behin baino gehiagotan, eta gure herrian inpaktoa
duten erabakiak hartzen dituzten erakundeetan, turismoaren hazkundea sustatzeko estrategiak
nagusi dira, iraunkortasuna kolokan jarri dezaketenak.
Guzti hau kontutan hartuta, EH Bilduk baiezko kritikoa eman dio plan honi, herritarren kezka
nagusiei erantzuteko moduko mekanismoak ahalbidetzen dituelako.
Gure aldetik, konpromiso osoa hartzen dugu mekanismo horiek %100ean aktibatzeko ahalegin
guztiak egingo ditugula, betiere hitza eta erabakia zumaiar guztiona dela kontuan hartuz