Traineru berriaren prezioa 45.000 eurokoa da, eta kostuaren zati bat ordaintzen laguntzeko crowdfunding kanpaina abiatu du Telmo Deunek. Beste zati bat, 30.000 eurokoa, Gipuzkoako Foru Aldundiak emandako laguntza baten bidez estaliko dute. Kanpaina honetan parte hartzeko gogoa edo asmoa duten enpresa edo norbanakoek ekarpen ekonomiko desberdinak egin ahal izango dituzte, eta kopuruaren araberako espazioa izango dute ontzian.