1994ko ekainean atera zen Baleike aldizkariko lehen zenbakia. Ordutik, tarte txiki batean izan ezik, fin-fin, aritu da Zumaiako eta zumaiarren bizitzen berri ematen, paperean hasieran, Internet bidez ere bai ondoren.
Urteak aurrera doaz, bizitza ere bai, eta Baleikek 30 urte beteko ditu datorren ekainean. Aurrerantzean Gukak emango dio segida Baleikeren ibilbideari, eta erreleboa jai giroan ospatu nahi dugu. Beti bezala, herritarrekin ospatu nahi dugu data esanguratsu hori, eta horretarako kalean egingo den jaialdi edo ekitaldi jendetsu bat antolatu nahi dugu. Ekainaren 15ean egin nahi da, eta bertan, aurreko urteurreneko ekitaldietan gertatu bezala, herriko talde, elkarte, eragile edo norbanakoak gonbidatu nahi ditugu jaialdi horretan parte hartzera. Musikaz, dantzaz, antzekiz, jai giroaz bete nahi ditugu Zumaiako kale eta plazak.
Hori guztia martxan jartzeko lehen bilera ireki bat egingo da, datorren asteazkenean, 19:00etan, Alondegian. Azaldu eta partekatu zuen ideiak!