Zerbitzuaren helburuak dira harreman osasuntsuak eraikitzeko giltzarriak eskaintzea eta sexualitatearen, parekidetasunaren eta harremanen inguruan sor daitezkeen kezka orori erantzuna ematea. Hala, gaur arratsaldean aurrez aurreko zerbitzua izango da Brankan, 18:00etatik 20:00etara. Horretaz gain, nahi dutenek sexologiazumaiakoudala@gmail.com helbide elektronikora idatzi edo 609 606 777 (Olatz) telefonora deitu ahal izango dute haien kezken inguruko argibideak jasotzeko.
Zerbitzuaren bitartez gai ezberdinak jorratzen dira: hala nola, identitate eta orientazio sexuala, bikote harremanak, elkarbizitza, intimitatea edota zeloak, baita zailtasun sexualarekin edo nerabeen heziketarekin zerikusia duten gaiak ere.