'Itsasoko argia: Azkeneko farozainen historia' dokumentalak itsasargietan bizi diren eta bertan lan egiten duten pertsonen eta bere ingurukoen historia azaltzen du. "Itsasargien historia da. Hau da, bertan bizi diren zaintzarien historia, beraien familiena eta baita arrantzaleena ere. Horretaz gain, beraien obra itsasargien inguruan garatu duten artistak eta idazleak ere historia honen partaide dira", azaldu dute elkarteko kideek.
Dokumentala 19:00etan hasiko da, eta ondoren, Itsasoko Itsasargien Lagunak Elkarteko kide batzuekin solasaldia egongo da.
