'Jainko Basatia' komedia dramatikoa da. Bi bikote ezkondu elkartu dira euren seme-alaben arteko liskarrak konpontzeko asmotan; izan ere, bikote baten semeak besteari eraso egin dio. Giza-legez eta edukazio handiz abiatu den bilerak beste bide bat hartuko du, elkarri kristorenak eta bi esaten hasten direnean, bata eta besteen frustrazio eta mixeriak azalduz.
Begoña Bilbaok zuzentzen duen antzerki obra honetako partaide dira Aitziber Garmendia, Mikel Losada, Mikel Laskurain eta Tessa Andonegi aktoreak. Sarrerak turismo bulegoan daude salgai, 9€ da prezio orokorra, eta 6€ gazte txartelarekin ordainduz.