Martxan da Internet bidezko mozorro lehiaketa

Alondegiko Argazki Txokoan ateratako argazkiekin osatu dugu aurten ere Internet bidezko mozorro lehiaketa. Taldekako eta banaka-binakako mozorro onena aukera dezakezue –120 eta 80 euroko sariak, hurrenez hurren–, atal bakoitzean hiruna boto emanda. Botoa emateko formulario erraz bat osatu behar da oinarrizko datuekin. Botoa ematen duzuenon artean GOIKO BODEGOIAK eskainitako bi lagunentzako afaria zozkatuko dugu. Sartu lehiaketako orrialdean eta eman zure bozka!