Samiel Eguna ospatu dute gaur auzotarrek eta ingurutik gerturatutako herritarrek. Meza entzun ondoren jokatu da tradiziozko pilota partida. Jarraian txakolinaz, trikitixaz eta bertso saioaz gozatzeko aukera izan dute eguraldi onak animatuta Artadiko plazan bildutakoek. Bazkari legearekin eta bertsolarien bigarren saioarekin jarraitu du jaiak.
Aristik eta Aizpuruk osatutako bikoteak irabazi du samieletako pilota partida, 30-28, Egiguren eta Zenekortaren aurka.
