Zumaiako familia bakoitzak kanpotik etorritako familia bana hartu zuen bere etxean, elkarrekin bazkaldu eta elkar ezagutzeko. Etxeetara joan aurretik, Torreberriko aterpean bildu ziren denak, argazkia ateratzeko.
Kanpotik datorrenari herrian harremanak egitea erraztea da Anitzen Sareak antolatutako ekimenaren helburua. Zumaian jatorri anitzeko bizilagunak daudela ondorioztatu ondoren erabaki zen Anitzen Sarea martxan jartzea, kultur aniztasuna ikusgarri egin eta elkarren arteko harremanak lantzeko eta estutzeko.